Ихтиёрсиз ҳаракат

Ихтиёрсиз ҳаракат – онгсиз тарзда бажариладиган рефлектор  ҳаракат. Бундай ҳаракатлар орқа мия, мия устуни, пўстлоғости тугунлари, яъни базал ганглиялар фаолияти билан боғлиқ автоматик ҳаракатлар ҳисобланади. Демак, ихтиёрсиз ҳаракатлар негизида шартсиз рефлектор фаолият ётади. Ёруғлик, оғриқ, товуш ва шу каби бошқа таъсиротларга жавобан беихтиёрий тарзда тўсатдан пайдо бўлувчи ҳаракат реакцияларини ҳам ихтиёрсиз ҳаракатларга мисол қилиб кўрсатиш мумкин.