Ғалтак нерв, IV жуфт
Ғалтак нерв (п. trochlearis) – ҳаракат нерви. Ядроси Сильвий сув йўли тубида colliculis inferior соҳасида ётади. Ғалтак нерв толалари тепага йўналиб Сильвий сув йўли устига ўтиб олади ва миянинг олдинги елканида кесишиб орқага қайтади (расм). Сўнгра ўзи томондаги мия оёғини айланиб ўтиб калла суяги ичидан fissura orbitalis superior орқали кўз косасига ўтади. Бу ерда нерв фақат битта, яъни юқори қийшиқ мускулни (m.obliquus superior) иннервация қилади. Бу мускул кўзни пастга ва ташқарига буради.
Зарарланиш симптомлари. 1) кўзни пастга ва ташқарига буриш қийинлиги; 2) қўшилувчи ғилайлик (strabismus convergens), пастга қараш сўралганда кўзнинг ичкарига қараб кетиши (m.rectus internus тортиши туфайли). 3) пастга қараганда ёки зинадан тушаётганда диплопия кузатилиши (тўғрига ёки тепага қараганда диплопия йўқолади).
Ва биринчи бўлиб билинг!