Ҳимоя рефлекслари

Ташқи таъсиротга жавобан тўла фалажланган оёқ ёки қўлларда юзага келадиган ихтиёрсиз ҳаракатларга ҳимоя рефлекси дейилади.  Масалан, умуртқа поғонаси кўкрак соҳасида синиши натижасида орқа мия кучли эзилди ёки узилди. Натижада марказий пирамидал иннервациясиз қолган жароҳатдан пастдаги спинал сегментларда спинал автоматизм шаклланади.

Ҳимоя рефлекси жароҳатдан пастдаги спинал рефлектор ёй сақланиб қолиши ҳисобига рўй беради. Бу рефлексни оёқ панжаси бармоқларини пастга кескин букиб чақириш ҳам мумкин. Натижада ўша оёқ тос-сон ва тизза бўғимида букилади. Бунга Мари-Фуа-Бехтерев рефлекси дейилади (1.5-расм). 

Ҳаракат – тирик мавжудот учун хос бўлган мускуллар иштирокида бажариладиган фаолият. Инсонда ихтиёрий ва ихтиёрсиз ҳаракат турлари фарқланади.