Varoliy ko'prigi

Topografiyasi. Ko'prik (pons) uzunchoq miya va o'rta miya orasida joylashgan bo'lib, ko'ndalang va uzunasiga ketgan zich tolalardan iborat. Ko'prikning ikkala yon tomonga davom etgan ko'ndalang qismi miyachaning o'rta oyoqchalari hisoblanadi.
Xuddi uzunchoq miyadagi kabi ko'prikning ventral va dorsal yuzalari farqlanadi.
Ko'prikning ventral yuzasi. Ventral yuzadan, asosan, ko'p­rikning ko'ndalang tolalari (fibrae pontis transversae) o'tadi. Qoq o'rtada asosiy egatcha (sulcus basilaris) joylashgan. Unda a. basilaris yotadi. Asosiy egatchaning ikkala yon tomonida do'nglik bor. Ushbu do'nglik ichidan, ya'ni ko'prikning bazal qismidan kortiko-spinal va kortiko-nuklear yo'llar o'tadi.
Ko'prikning dorsal yuzasi. IV qorinchaga qaragan bo'ladi va uning tubi rombsimon chuqurchadir [5.5-rasm). Ko'prik­ning dorsal qismida, ya'ni tegmentum da V, VI, VII, VIII nerv yadrolari yotadi [5.2-rasmga qarang). V nervning yuzaki sez­gi yadrosining oral qismi [nucleus tractus mesencephalici) ko'prikda, kaudal qismi (nucleus tractus spinalis) uzunchoq miyada joylashgan. Mezensefal yadro yonida nucleus motorius n. trigemini va nucl. pontinus n. trigemini yotadi. Yuz nervi do'ngligi (colliculus facialis) ichida VI nerv, uning lateral qismi­da VII nerv yadrosi joylashadi. Yuz nervi yadrosidan chiqqan ildizchalar VI nerv yadrosini yarim aylanib o'tishi natijasida do'nglik {colliculus facialis) paydo bo'lgan. Buni VII nerv tizzasi [genu n. facialis) deb ham atashadi.
 
 
Manba: © Z. Ibodullayev. Nevrologiya. Qo`llanma. Toshkent, 2017., 404 b. 
             © Z. Ibodullayev. Umumiy nevrologiya. Darslik. Toshkent, 2021., 312 b. 
             © Ibodullayev ensiklopediyasi    © asab.cc
 
 
Дўстларингиз билан бўлишинг