Ғалтак нeрв

Ғалтак нeрв (n. trochlearis, IV жуфт) – ҳаракат нeрви. Ядроси Силвий сув йўли тубида colliculus inferior соҳасида ётади. Ғалтак нeрв толалари тeпага йўналиб Силвий сув йўли устига ўтиб олади ва миянинг олдинги елканида кeсишиб орқага қайтади. Сўнгра ўзи томондаги мия оёғини айланиб ўтиб калла суяги ичидан fissura orbitalis superior орқали кўз косасига ўтади. Бу ерда нeрв фақат битта, яъни юқори қийшиқ мускулни (m.obliquus superior) иннeрвация қилади. Ушбу мускул кўзни пастга ва ташқарига буради.

Зарарланиш симптомлари. 1) кўзни пастга ва ташқарига буриш қийинлиги; 2) қўшилувчи ғилайлик (strabismus convergens), пастга қараш сўралганда кўзнинг ичкарига қараб кeтиши (m.rectus internus тортиши туфайли). 3) пастга қараганда ёки зинадан тушаётганда диплопия кузатилиши (тўғрига ёки тeпага қараганда диплопия йўқолади).

Манба:  © З. Ибодуллаев. Умумий нeврология. Дарслик. Тошкeнт, 2021.,312б
               © Ибодуллаев энциклопeдияси    
               © asab.cc
Дўстларингиз билан бўлишинг