ДИФФУЗ АКСОНАЛ ШИКАСТЛАНИШ

Диффуз аксонал шикастланиш бош миянинг оғир жароҳатларида рўй беради ва бундай беморлар узоқ давом этувчи комага тушади. Уларнинг аксариятида декортикацион ёки децеребрацион ригидлик ривожланади. Оғир ўчоқли неврологик симптомлар яққол ифодаланган бўлади. Жумладан, Гертвиг-Мажанди ва Парино синдромлари, қорачиқлар фотореакцияси сўниши, анизокория, окулоцефалик рефлекс йўқолиши аниқланади. Мускуллар тонуси пластик ва спастик тарзда ошади. Яққол ифодаланган вегетатив бузилишлар, яъни артериал гипертония, гипертермия, гипергидроз, гиперсаливация каби симптомлар вужудга келади. Диффуз аксонал шикастланиш билан деярли 90% бемор ҳалок бўлади. Тирик қолганларда апаллик синдром ривожланади. Диффуз аксонал шикастланиш учун жуда хос бўлган синдромлар – булар децеребрацион ва декортикацион ригидлик, вегетатив ҳолат ва апаллик синдром.

Manba: © Z. Ibodullayev. Asab kasalliklari. 2-nashr. Darslik, Toshkent, 2021., 960 b.
© Ibodullayev ensiklopediyasi
© asab.cc

Муаллиф: Зарифбой Ибодуллаев - 1994 йилда “Инсулинга боғлиқ бўлмаган қандли диабетда сереброваскуляр касалликларнинг инсултдан олдинги шаклларининг клиник ва нейрофизиологик хусусиятлари” мавзусида номзодлик диссертациясини ҳимоя қилди. 1991-1995 йиллар – 2-Тошкент давлат тиббиёт институти асаб касалликлари кафедраси ассистенти. 1995-1997 йиллар – 2-Тошкент давлат тиббиёт институти асаб касалликлари кафедраси доценти.