Рефлекс ва унинг турлари

Нерв системаси фаолияти рефлектор принципга асосланган. Организмнинг рецепторлардан келган таъсиротларга жавоб реакциясига рефлекс дейилади. Рефлекс ҳар қандай жонли мавжудот учун хос бўлиб, нерв системаси иштирокида амалга оширилади. Рефлекс юзага келиши учун уни қўзғовчи таъсирот керак, агар бундай таъсирот бўлмаса, рефлекс чақирилмайди. Шартсиз ва шартли рефлекслар фарқланади.