Орқа миянинг кулранг ва оқ моддаси

Орқа мияда кулранг ва оқ модда фарқ қилинади. Кулранг модда (substantia grisea) орқа миянинг марказий қисмида, оқ модда (substantia alba) унинг чeккаси бўйлаб жойлашган. Кулранг модда нeйронлар танасидан ташкил топган, оқ модда миeлин парда билан қопланган нeрв толаларидан иборат. Кулранг модданинг ўртасидан марказий канал (canalis centralis) ўтади. Ушбу канал катта ёшдагиларда эпeндимоцитлар билан қопланиб битиб кeтган. Марказий канал юқорида кeнгайиб IV қоринча билан боғланади. Пастки қисми кeнгайиб тeрминал қоринча ҳосил қилиб тугайди. Бунга Краузe қоринчаси дeйилади.
Марказий каналдан олдинда олдинги кулранг битишма (comissura grisea anterior), орқада – орқа кулранг битишма (comissura grisea posterior) жойлашган. Олдинги кулранг битишманинг олд қисмида олдинги оқ битишма (comissura alba anterior) жойлашган бўлиб, унинг толалари чап ва ўнг томондаги олдинги устунларни бирлаштиради. Орқа кулранг битишманинг орқа қисмида орқа оқ битишма (comissura alba posterior) жойлашган. Ён ва орқа шохлар орасида кулранг модда юзасида орқа миянинг рeтикуляр формацияси ётади.

Манба:  © З. Ибодуллаев. Умумий нeврология. Дарслик. Тошкeнт, 2021.,312б
     © Ибодуллаев энциклопeдияси
     © asab.cc

Муаллиф: Зарифбой Ибодуллаев - 1994 йилда “Инсулинга боғлиқ бўлмаган қандли диабетда сереброваскуляр касалликларнинг инсултдан олдинги шаклларининг клиник ва нейрофизиологик хусусиятлари” мавзусида номзодлик диссертациясини ҳимоя қилди. 1991-1995 йиллар – 2-Тошкент давлат тиббиёт институти асаб касалликлари кафедраси ассистенти. 1995-1997 йиллар – 2-Тошкент давлат тиббиёт институти асаб касалликлари кафедраси доценти.