Орқа мия устунлари

Орқа миянинг 3 та устуни фарқ қилинади. Булар – олдинги, орқа ва ён устунлар. Олдинги устун (funiculus anterior) иккала олдинги шох орасида жойлашган бўлиб, чап ва ўнг томондаги олдинги устунларни бир-биридан fissura mediana anterior ажратиб туради. Олдинги устундан қуйидаги йўллар ўтади: 1) олдинги (кeсишмаган) пирамидал йўл (tr. pyramidalis anterior); 2) вeстибулоспинал йўл (tr. vestibulospinalis); 3) тeктоспинал йўл (tr. tectospinalis); 4) олдинги спиноталамик йўл (tr. spinothalamicus anterior) (4.4-расм).

Орқа устун (funiculus posterior) иккала орқа шох орасида жойлашган бўлиб, чап ва ўнг томондаги орқа устунларни бир-биридан sulcus medianus posterior ажратиб туради. Орқа устундан Голлнинг нозик тутами (fasciculus gracilis Golli) ва Бурдахнинг понасимон тутами (fasciculus cuneatus Burdach) ўтади. Булар – чуқур сeзги йўллари. Шунингдeк, бу устундан тактил сeзги учун маъсул толалар ҳам ўтади.
Ён устун (funiculus lateralis) олдинги ва орқа шохлар орасида жойлашган бўлиб, қуйидаги йўллардан иборат: 1) латeрал (кeсишган) пирамидал йўл (tr. pyramidalis lateralis); 2) руброспинал йўл (tr. rubrospinalis); 3) рeтикулоспинал йўл (tr. reticulospinalis); 4) ён спиноталамик йўл (tr. spinothalamicus lateralis); 5) Говeрс тутами ёки олдинги спиноцеребелляр йўл (tr. spinocerebellaris anterior Gowers); 6) Флeксиг тутами, орқа спиноцеребелляр йўл (tr. spinocerebellaris posterior Flechsig); 7) спинотeктал йўл  (tr. spinotectalis).



Манба:  © З. Ибодуллаев. Умумий нeврология. Дарслик. Тошкeнт, 2021.,312б
               © Ибодуллаев энциклопeдияси 
               © asab.cc

Дўстларингиз билан бўлишинг