СУВЧЕЧАКДА ЭНЦЕФАЛИТ

Этиологияси. Сувчечакни Herpes viridae оиласига мансуб varicella zoster вируси чақиради. Бу энцефалит ёш болаларда кўп кузатилади.
       Клиникаси. Сувчечакда марказий нерв системасининг зарарланиши менингоэнцефалит, энцефалит ва энцефаломиелит кўринишида кечади.  Неврологик бузилишлар касалликнинг 5–8-кунлари бошланади. Энцефалит гемипарез, гиперкинезлар, мия устуни ва мияча симптомлари билан намоён бўлади. Энцефалитик симптомлар бошланишидан олдин, одатда, менингитга хос белгилар, яъни менингеал симптомлар, эпилептик хуружлар, психомотор қўзғалишлар юзага келади.
       Умуман олганда, постекзантем (қизилча, қизамиқ, сувчечак) энцефалитлар клиникаси, кечиши, даволаш усуллари ва прогнози деярли бир хилдир. Улар фақат этиологик жиҳатдан фарқ қилади, холос

Manba: © Z. Ibodullayev. Asab kasalliklari. 2-nashr. Darslik, Toshkent, 2021., 960 b.
     © Ibodullayev ensiklopediyasi
  © asab.cc

Муаллиф: Зарифбой Ибодуллаев - 1994 йилда “Инсулинга боғлиқ бўлмаган қандли диабетда сереброваскуляр касалликларнинг инсултдан олдинги шаклларининг клиник ва нейрофизиологик хусусиятлари” мавзусида номзодлик диссертациясини ҳимоя қилди. 1991-1995 йиллар – 2-Тошкент давлат тиббиёт институти асаб касалликлари кафедраси ассистенти. 1995-1997 йиллар – 2-Тошкент давлат тиббиёт институти асаб касалликлари кафедраси доценти.