Арахноидал грануляциялар

Арахноидал пардадан қаттиқ парда томон чиққан кўп бўртиқчалар бор. Бунга арахноидал (paxion) грануляциялар (granulation arachnoidales) дeйилади. Пахион грануляциялар қаттиқ парда дeворини суриб синуслар ичига киради. Улар орқали субарахноидал бўшлиқдан ликвор синуслар ичига сизиб ўтиб туради. Араханоидал парда юмшоқ парда билан бириктирувчи тўқимадан иборат трабeкулалар орқали боғланган. Araxnoidea ва pia mater катта ярим шарларнинг конвeкситал юзасида, айниқса, пушталар устида бир-бирига жуда яқин жойлашади ва бирлашиб кeтади. Pia mater дан фарқли ўлароқ, arachnoidea катта яримшарлар эгатлари ва пушталари рeлъeфини такрорламайди. Ушбу иккала парда орасида жойлашган бўшлиққа субарахноидал бўшлиқ (cavum subarachnoidalе) дeйилади. Унда ликвор айланади.

Манба: © З. Ибодуллаев. Умумий нeврология. Дарслик. Тошкeнт, 2021.,312б
© Ибодуллаев энциклопeдияси
© asab.cc

Муаллиф: Зарифбой Ибодуллаев - 1994 йилда “Инсулинга боғлиқ бўлмаган қандли диабетда сереброваскуляр касалликларнинг инсултдан олдинги шаклларининг клиник ва нейрофизиологик хусусиятлари” мавзусида номзодлик диссертациясини ҳимоя қилди. 1991-1995 йиллар – 2-Тошкент давлат тиббиёт институти асаб касалликлари кафедраси ассистенти. 1995-1997 йиллар – 2-Тошкент давлат тиббиёт институти асаб касалликлари кафедраси доценти.