Тизза-аддуктор рефлекс

Тизза-аддуктор рефлекс. Бу рефлекс бор-йўқлигини тизза рефлексини чақираётганда билиб олиш мумкин. Бунинг учун бемордан оёқлар орасини очиб курсида ўтириш сўралади. Бир оёқда тизза рефлексини чақираётганда иккинчи оёқдаги аддуктор мускуллар қисқариб ўша оёқ ичкарига тортилади. Чунки бир томондаги рефлектор ёй орқали юборилган импульснинг бир қисми марказий пирамидал иннервация сустлиги туфайли қарама-қарши томондаги рефлектор ёйга ўтиб кетади.