Таламус

Таламус эллипс шаклидаги кулранг тусга эга йирик ядро. Таламус иккита бўлиб, III қоринчанинг ён томонлари бўйлаб жойлашган.Пўстлоққа келаётган барча сезги йўллари айнан таламусга кириб ўтади. Булар – юзаки ва чуқур сезги, эшитув ва кўрув йўллари ҳамда бошқа тузилмалардан келувчи афферент йўллар. 

Таламусда қайта ишланган сенсор сигналлар қуйидаги тартибда пўстлоққа узатилади: соматосенсор сигналлар орқа марказий ва юқори      париетал пушталарга, оптик сигналлар энса бўлагидаги кўрув марказига, товуш сигналлари чакка бўлагидаги эшитув марказига ва ҳ.к.

Таламус зарарланиши. Таламус зарарланганда яққол кўзга ташланадиган синдром – Дежерин-Русси синдроми. Бу синдром қуйидаги 5 гемисиндромдан иборат: қарама-қарши томонда барча сезгилар гемианестезияси, гемигиперпатия, гемиалгия, гемиатаксия ва гемианопсия. Гемиалгия, яъни таламик оғриқлар каузалик типда намоён бўлади, тананинг ярмини эгаллаб олади ва беморга кучли азоб беради.