Гипоталамус

Гипоталамус (hypothalamus) – нейроэндокрин ва вегетатив функцияларга масъул олий вегетатив марказ бўлиб, ВНС нинг супрасегментар қисми ҳисобланади. Гипоталамус ҳиссий реакциялар учун масъул бўлган лимбик системанинг ўта муҳим тузилмасидир. 

Топографияси. Гипоталамус оралиқ миянинг пастки қисмида жойлашган бўлиб, III қоринча тубини ҳосил қилишда иштирок этади. Гипоталамус ва унинг ядролари 8.1-расмда кўрсатиб ўтилган.

^{8.1-расм. Гипоталамус ва унинг ядролари}

^{Промежуточная масса таламуса – таламуслараро битишма} 

^{Дорсомедиальное ядро – дорсомедиал ядро}

^{Заднее ядро гипоталамуса – гипоталамуснинг дорсал ядроси}

^{Вентромедиальное ядро – вентромедиал ядро}

^{Сосцевидное тело – сўрғичсимон тана}

^{Дуговидное ядро – равоқсимон ядро}

^{Воронка – қуйғич} 

^{Гипофиз - гипофиз}

^{Оптическая хиазма – хиазма} 

^{Оптический (2) нерв – кўрув нерви}

^{Супраоптическое ядро – супраоптик ядро}

^{Супрахиазматическое ядро – супрахиазматик ядро}

^{Переднее ядро гипоталамуса – гпиталамуснинг вентрал ядроси}

^{Медиальное преоптическое ядро – медиал преоптик ядро}

^{Латеральное преоптическое ядро – латерал преоптик ядро}

^{Паравентрикулярное ядро – паравентрикуляр ядро}

^{Мозолистое тело – қадоқсимон тана}

Гипоталамус таркибига кулранг бўртик (tuber cinereum), қуйғич (infundibulum), сўрғичсимон таналар (corpora mamillaria) киради. Сўрғичсимон таналар пўстлоғости ҳидлов маркази ҳисобланади.