АТАМАЛАР ТАҲЛИЛИ

Абсанс – онгнинг ўта қисқа вақтга йўқолиши
Аггравация – касаллик аломатларини ошириб кўрсатиш
Аграфия – ёзишнинг бузилиши
Агрипния – уйқусизлик
Акалкулия – ҳисоблашнинг бузилиши
Алексия – ўқишнинг бузилиши
Амавроз – кўрмай қолиш
Амнезия – хотира йўқолиши
Анальгезия – оғриқ сезмаслик
Анестезия – сезги йўқолиши
Анорексия – иштаҳа йўқолиши
Аносмия – ҳид билмаслик
Антероград амнезия – касаллик бошлангандан сўнг бўлган воқеаларни унутиб қўйиш
Апатия – жисмоний ва руҳий фаолиятнинг пасайиб кетиши
Апраксия – мақсадга йўналтирилган ҳаракатларни бажара олмаслик
Арефлексия – рефлекслар йўқолиши
Астазия-абазия – тик туролмаслик, юролмаслик
Астения – руҳий қувватсизлик
Атаксия – ҳаракат координацияси бузилиши, чайқалиб кетиш
Атония – мушаклар тонуси йўқолиши
Аура – хабар берувчи
Аутизм – ўз дунёсига ғарқ бўлиш, бировлар билан мулоқотга киришмаслик
Афазия – нутқ бузилиши
Афония – товуш чиқмай қолиш
Аффект – ҳиссий портлаш
Булимия – иштаҳа очилиб кетиши
Васваса – ҳақиқатга тўғри келмайдиган хаёлларнинг пайдо бўлиши
Галлюцинация – атрофда йўқ бўлган обЪектларни бордек ҳис қилиш
Гемианопсия – кўрув майдони ярмининг йўқолиши
Гемикрания (мигрен) – бошнинг ярмида кучли оғриқ
Гемипарез – тананинг ярим қисмида ҳаракатнинг пасайиши
Гемиплегия – тананинг ярим қисмида ҳаракатнинг йўқолиши
Гиперестезия – сезувчанликнинг кучайиб кетиши
Гиперкинез – танада кузатиладиган ихтиёрсиз ҳаракатлар
Гипестезия – сезгининг пасайиши
Гиперсомния – кўп ухлаш
Гипноз – грекчадан уйқу, ухлатиш дегани
Гипотония – тонуснинг пасайиши
Гомосексуализм – ўз жинсидаги кишилар билан жинсий яқинликка интилиш
Дебиллик – енгил даражадаги ақли заифлик
Деградация – шахс “парчаланиши”
Дезориентация – ўзи жойлашган жойни, вақтни аниқлай олмаслик
Делирия – эс-ҳушнинг бузилиб, гўёки уйқуда ётгандек бўлиб қолиш, замон ва маконни билмай қолиш
Деменция – фикрлаш қобилиятининг кескин пасайиши
Депрессия – тушкун кайфият, фикрлар карахтлиги ва мотивация сўниши билан намоён бўладиган ҳолат 
Дипсомания – ичкиликка ружу қўйиш
Идиотия – юқори даражадаги туғма ақли заифлик
Иллюзия – атрофда мавжуд бўлган нарсаларни нотўғри идрок этиш
Имбециллик – ўртача даражадаги туғма ақли заифлик
Императив – буюрувчи, буйруқ берувчи
Импульсив – тўсатдан, бесабаб
Каталепсия – бир ҳолатда қотиб қолиш
Катамнез – бемор шифохонадан чиқарилгандан сўнг унинг касаллиги ҳақида олинган маълумотлар
Каузалгия – ачиштирувчи, куйдирувчи кучли оғриқ
Клептомания – ўзи учун зарур бўлмаган нарсаларни ўмаришга интилиш
Климакс – жинсий безлар фаолиятининг сўниш даври
Кома – онгнинг кучли даражада бузилиши
Коммоция – мия чайқалиши
Конфабуляция – хотира бузилиши натижасида ёлғон сўзлаш
Летаргия – узоқ давом этадиган қаттиқ уйқу
Маниакал ҳолат – бўлар-бўлмасга кузатиладиган кайфичоғлик
Меланхолия – руҳан заифлик, бировга қарамлик
Моноплегия – бир қўл ёки оёқда фалажлик
Мутизм – гапирмайдиган, гунг бўлиб қолиш
Нарколепсия – тўсатдан бошланадиган патологик уйқу
Гиёҳвандлик – гиёҳванд моддаларга ружу қўйиш
Олигофрения – туғма ақли заифлик
Персеверация – бирор ҳаракат, сўзларни ҳадеб такрорлайвериш
Психастения – руҳий фаолиятнинг сусайиб кетиши
Психопатия – шахснинг патологик кўриниши
Психотерапия – руҳий таъсир этиш йўли билан даволаш
Ремиссия – касаллик белгиларининг вақтинча йўқолиши
Ретроград амнезия – касалликдан олдин бўлиб ўтган воқеаларни эслай олмаслик
Садизм – бировга азоб бериш ҳисобига ҳирсни қондириш
Сенсор афазия – гапни, нутқни тушунмаслик
Симуляция – ўзини касал қилиб кўрсатиш
Синдром – симптомлар мажмуаси
Соматик – тана, танадаги
Ступор – ҳаракат қила олмаслик, қотиб қолиш
Суггестия – ишонтириш, сўз билан таъсир қилиш
Суицид – ўз жонига қасд қилиш
Сурдомутизм – кар-соқовлик
Фобия – мияга ўрнашиб қолган турғун қўрқув
Эйфория – кайфичоғлик, бўлар-бўлмасга кўтаринки кайфият
Эмоция – ҳиссиёт
Энурез – сийдик тутолмаслик
Ятрогения – тиббиёт ходимининг хатоси оқибатида беморда турли касаллик аломатларининг пайдо бўлиши.


Manba: ©Z. Ibodullayev. Tibbiyot psixologiyasi. Darslik., 3-nashr., T.; 2019., 494b.  
              © Ibodullayev ensiklopediyasi., 2022 y;
              ©asab.cc
Дўстларингиз билан бўлишинг