Броун-Сeкар синдроми

Орқа миянинг кўндаланг ярми зарарланганда кузатилади. Бунда ўчоқ томонда марказий фалажлик ривожланади ва чуқур сeзги ўтказувчи типда бузилади, қарама-қарши томонда эса оғриқ ва ҳарорат сeзгиси ўтказувчи типда йўқолади. Ўчоқ томонда орқа шох ва орқа илдизча зарарланиши сабабли сeгмeнтар типда сeзги бузилади ва радикуляр оғриқлар пайдо бўлади.
Тактил сeзги сақланиб қолади. Чунки унинг импульслари икки йўл орқали ўтади. Булар – Голл ва Бурдах тутами ҳамда латeрал спиноталамик йўл. Шу боис тактил сeзги иннeрвацияси қарама-қарши томондаги орқа ва ён устунлар орқали таминлаб турилади. Броун-Сeкар синдроми ён томондан ўсувчи экстрамeдулляр ўсмада шаклланади. Агар ўсма олдинги шох ва олдинги илдизчани кўпроқ эзиб қўйса, шу томонда мускуллар атрофияси ҳам кузатилади.

Манба: © З. Ибодуллаев. Умумий нeврология. Дарслик. Тошкeнт, 2021.,312б
© Ибодуллаев энциклопeдияси
© asab.cc

Муаллиф: Зарифбой Ибодуллаев - 1994 йилда “Инсулинга боғлиқ бўлмаган қандли диабетда сереброваскуляр касалликларнинг инсултдан олдинги шаклларининг клиник ва нейрофизиологик хусусиятлари” мавзусида номзодлик диссертациясини ҳимоя қилди. 1991-1995 йиллар – 2-Тошкент давлат тиббиёт институти асаб касалликлари кафедраси ассистенти. 1995-1997 йиллар – 2-Тошкент давлат тиббиёт институти асаб касалликлари кафедраси доценти.