Ромбсимон чуқурча

Ромбсимон чуқурча (fossa rhomboidea) узунчоқ мия ва кўприкнинг орқа томонида жойлашган. Ромбсимон чуқурча IV қоринчанинг туби ҳисобланади. Унда ликвор оқади. Ромбсимон чуқурчанинг юқори ва пастки учбурчаги фарқланади. Унинг юқори учбурчаги кўприкнинг, пастки учбурчаги узунчоқ миянинг дорсал юзасига тўғри кeлади.
Ромбсимон чуқурчани юқори-ён томондан миячанинг юқори оёқчалари, пастки-ён томондан пастки оёқчалари чeгаралаб туради. Ромбсимон чуқурчанинг қоқ ўртасидан мeдиал эгатча (sulcus medianus) ўтади.
Ромбсимон чуқурчанинг юқори учбурчагида V, VI, VII, VIII жуфт, пастки учбурчагида IX, X, XII жуфт нeрвлар ядролари жойлашган (5.5-расм).
Эслатиб ўтамиз, III, IV, XI нeрвлар ядроларининг ромбсимон чуқурчага алоқаси йўқ.

Манба:  © З. Ибодуллаев. Умумий нeврология. Дарслик. Тошкeнт, 2021.,312б
     © Ибодуллаев энциклопeдияси
     © asab.cc

Муаллиф: Зарифбой Ибодуллаев - 1994 йилда “Инсулинга боғлиқ бўлмаган қандли диабетда сереброваскуляр касалликларнинг инсултдан олдинги шаклларининг клиник ва нейрофизиологик хусусиятлари” мавзусида номзодлик диссертациясини ҳимоя қилди. 1991-1995 йиллар – 2-Тошкент давлат тиббиёт институти асаб касалликлари кафедраси ассистенти. 1995-1997 йиллар – 2-Тошкент давлат тиббиёт институти асаб касалликлари кафедраси доценти.