YuQORI PARIETAL SINDROMLAR

Yuqori parietal sindromlar – yuqori parietal pushta (5- va 7-maydonlar) zararlanganda kuzatiladi. Bu sindrom, asosan, tana sxemasi buzilishi (somatoagnoziya) belgilari bilan namoyon bo‘ladi, bemor tana qismlarining bir-biriga nisbatan joylashuvini bilmaydi, o‘z tana qismlarini o‘zi tanimaydi. Bu sindrom, asosan, o‘ng yarim sharning parietal sohasi zararlanishi uchun xos (o‘naqaylarda). Bemor o‘ng tomoni borligini go‘yoki inkor qiladi (anozognoziya) yoki qo‘l va oyoqlarini o‘z tanasida qanday joylashganini aytib bera olmaydi (autotopognoziya). Shuningdek, “Bu mening qo‘lim emas, boshqaning qo‘li”. “Bu yog‘och, mushuk va h.k.” deb ishonadi.

Manba: ©Z. Ibodullayev. Tibbiyot psixologiyasi. Darslik., 3-nashr., T.; 2019., 494b.
              ©Z. Ibodullayev. Umumiy nevrologiyasi. Darslik., T.; 2021., 312b.  
           © Ibodullayev ensiklopediyasi., 2022 y;
              ©asab.cc)
Do‘stlaringiz bilan bo‘lishing