Orolcha

Orolcha (unsula) tashqi tomondan ko‘rinmaydi. Chunki u Silviy egati tubida joylashgan. Uni ko‘rish uchun ushbu egatni ochish kerak. Ana shunda gulkaramga o‘xshash orolcha ko‘rinadi (10.3-rasm). Tepadan orolchani operkulyar pushta (operculum) tomga o‘xshab yopib turadi. Orolchaning markaziy egatchasi (sulcus centralis insulae) uni oldingi (lobulus insulae anterior) va orqa orolcha bo‘laklariga (lobulus insulae posterior) ajratadi. Orolchaning oldingi qismi peshona bo‘lagi tarkibiga, orqa qismi – chakka bo‘lagi tarkibiga qiradi. Orolchani o‘rab turgan aylanasimon egatcha (sulcus circularis insulae) uni boshqa bolaklardan chegaralab turadi. Orolchada doimiy bo‘lmagan kalta va uzun pushtachalar (gyri insulae breves et longus) ham mavjud. Ba’zi mutaxassislar orolchani katta miyaning beshinchi bo‘lagi deb atashadi.

Manba: © Z. Ibodullayev. Umumiy nevrologiya. Darslik. Toshkent, 2021., 312 b.
© Ibodullayev ensiklopediyasi
© asab.cc

Muallif: Zarifboy Ibodullaev - 1994 yilda “Insulinga bog‘liq bo‘lmagan qandli diabetda serebrovaskulyar kasalliklarning insultdan oldingi shakllarining klinik va neyrofiziologik xususiyatlari” mavzusida nomzodlik dissertatsiyasini himoya qildi. 1991-1995 yillar – 2-Toshkent davlat tibbiyot instituti asab kasalliklari kafedrasi assistenti. 1995-1997 yillar – 2-Toshkent davlat tibbiyot instituti asab kasalliklari kafedrasi dotsenti.