Orqa miyaning afferent va efferent yo‘llari

1. Oldingi spinotalamik yo‘l – talamusga taktil impulslarni o‘tkazadi.
2. Orqa spinotserebellyar yo‘l (Fleksig tutami) – miyachaga propriotseptiv impulslarni o‘tkazadi.
3. Oldingi spinotserebellyar yo‘l (Govers tutami) – miyachaga propriotseptiv impulslarni o‘tkazadi.
4. Lateral spinotalamik yo‘l – talamusga og‘riq va harorat impulslarini o‘tkazadi.
5. Gollning nozik tutami – tananing pastki qismi va oyoqlardan propriotseptiv impulslarni o‘tkazadi.
6. Burdaxning ponasimon tutami – tananing ustki qismi va qo‘llardan propriotseptiv impulslarni o‘tkazadi.

1. Oldingi (kesishmagan piramidal) kortikospinal yo‘l – bosh miya katta yarimsharlarining motor markazlaridan orqa miyaning oldingi shoxlariga harakat impulslarini o‘tkazadi.
2. Lateral (kesishgan piramidal) kortikospinal yo‘l – bosh miya katta yarimsharlarining motor markazlaridan orqa miyaning oldingi shoxlariga harakat impulslarini o‘tkazadi.
3. Retikulospinal yo‘l – bosh miyaning retikulyar formatsiyasidan orqa miyaning oldingi shoxlariga nerv impulslarini o‘tkazadi.
4. Tektospinal yo‘l – o‘rta miyaning to‘rttepaligi, ya’ni birlamchi ko‘rish va birlamchi eshitish markazlaridan orqa miyaning oldingi shoxlariga nerv impulslarini o‘tkazadi.
5. Vestibulospinal yo‘l – uzunchoq miyada joylashgan vestibulyar yadrolardan orqa miyaning oldingi shoxlariga nerv impulslarini o‘tkazadi.
6. Rubrospinal yo‘l (Monakov yo‘li) –  qizil yadrodan orqa miyaning oldingi shoxlariga nerv impulslarini o‘tkazadi.