Orqa miya segmenti (spinal segment)

 
Orqa miya segmentar tuzilishga ega. O‘zida bir juft orqa va bir juft oldingi ildizchani saqlagan orqa miyaning ko‘ndalang kesimiga segment deb aytiladi (4.3-rasm). Orqa miya 5 qismga ajratiladi: bo‘yin, pars cervicalis (C₁-C₈), ko‘krak, pars thoracica (Th₁-Th₁₂), bel, pars lumbalis (L₁-L₅), dumg‘aza, pars sacralis (S₁-S₅), dum, pars coccygea (Co₁-Co₂). Shunday qilib, orqa miya 31-32 ta segmentdan iborat. Orqa miya segmentlari arabcha, umurtqa pog‘onasi segmentlari rim raqamlari bilan yoziladi.
Tana qismlarini innervatsiya qilish bo‘yicha orqa miyaning quyidagi 5 qismi farq qilinadi:

1. C₁-C₄ – bo‘yin-ensa sohasi va diafragmani innervatsiya qiladi;
2. C₅-₈, – Th₁ – elka sohasi va qo‘llarni innervatsiya qiladi;
3. Th₁-Th₁₂ – tanani innervatsiya qiladi;
4. Th₁₂, L₁-L₅, S₁ – tos va oyoqlarni innervatsiya qiladi;
5. S₁-S₅ – anogenital sohani innervatsiya qiladi.

 Manba: © Z. Ibodullaev. Umumiy nevrologiya. Darslik. Toshkent, 2021.,312b
               © Ibodullaev entsiklopediyasi 
                   © asab.cc

Do‘stlaringiz bilan bo‘lishing