Pallidar sistema zararlanishi belgilari

Pallidar sistema zararlanishining asosiy sindromi – bu parkinsonizm. Muskullar rigidligi, gipokineziya va tinch holatdagi tremor aniqlangan har qanday patologik sindromga nisbatan parkinsonizm atamasini qo'llash mumkin. Uning simptomlari: gipokineziya –  harakatlar sustligi; bradikineziya (oligokineziya) – harakatlar kamligi; akineziya – harakatlar yo'qligi; muskul­lar rigidligi; tinch holatdagi tremor, munkayib yurish sindromi (9.3-rasm).
                          Insomniya                             Kognitiv buzilishlar
  
Parkinsonizm uchun yozayotganda harflarning kichrayib borishi (mikrografiya), yurganda qo'llarda sinergik harakat­lar bo'lmasligi [axeyrokinez), tik turganda orqadan sal turtsa, oldinga yurib ketish (propulsiya), yon tomondan turtib yuborsa, yonga yurib ketish (lateropulsiya), oldindan turtib yuborsa, orqaga tisarilib yurish (retropulsiya) ham xos. Kognitiv va psi­xoemotsional buzilishlar aniqlanadi, xarakter o'zgaradi. Fikrlash sustlashadi (bradipsiya), bir iboraga yopishib olsa, shuni hadeb takrorlayveradi, aytganini qildirishga harakat qiladi. Kechalari uyqusi yo'qoladi.
 
 
Manba: © Z. Ibodullayev. Umumiy nevrologiya. Darslik. Toshkent, 2021., 312 b. 
             © Ibodullayev ensiklopediyasi    © asab.cc
 

Do‘stlaringiz bilan bo‘lishing