Spinal yadrolar

Bir xil struktur tuzilish va funksional ahamiyatga ega bo'lgan hujayralar to'plami yadro deb ataladi. Kulrang moddada quyidagi yadrolar farqlanadi:

• ·         Sezgi yadrolari – orqa shoxda joylashgan bo'lib, yuzaki sezgi, Govers va Fleksig yo'llarining 2-neyronlari to'plamidan iborat;
• Harakat yadrolari – oldingi shoxda joylashgan bo'lib, pi­ramidal yo'lning 2-neyronlari to'plamidan iborat.
• Assotsiativ (oraliq)yadrolar - spinal segmentlarda joy­lashgan hujayralarni bir-biri bilan bog'lovchi neyronlar guruhi.
• Vegetativ yadrolar - yon shoxlarda joylashgan hujayralar to'plami.

Oldingi shox yadrolari:

1. α-katta motoneyronlar – muskullar harakati uchun javobgar;
2. α-kichik motoneyronlar – muskullar tonusi uchun javobgar;
3. y-motoneyronlar – intrafuzal muskul tolalarini innervat­siya qilib, proprioretseptiv signallarni α-kichik motoneyronlarga o'tkazishni ta'minlaydi.

 
Yon shox yadrolari. Orqa miyaning barcha segmentlarida ham yon shoxlar bo'lmaydi. Yon shoxlarda vegetativ innervat­siya uchun mas'ul yadrolar joylashgan. C₈, Th₁-Th₁₂, L₁-L₂ spi­nal segmentlarda simpatik yadrolar, S₂-S₄ spinal segmentlarda parasimpatik yadrolar joylashgan
 
Manba: © Z. Ibodullayev. Umumiy nevrologiya. Darslik. Toshkent, 2021., 312 b.
              © Ibodullayev ensiklopediyasi;
              © asab.cc  
 
 
Do‘stlaringiz bilan bo‘lishing