G‘ALTAK NERV NEVROPATIYaSI

G‘altak nerv fissura orbitalis superior orqali ko‘z kosasiga kirib, ko‘zni pastga va biroz tashqariga buruvchi muskulni (m. obliquus superior) innervatsiya qiladi. G‘altak nerv zararlanganda engil qo‘shiluvchi g‘ilaylik kuzatiladi, ya’ni ko‘z biroz tepaga va ichkariga qarab qoladi. Bemor pastga qaraganda diplopiya kuzatiladi, ya’ni oyoq ostiga qarab zinapoyadan tushayotganda oyoqlari to‘rtta bo‘lib ko‘rinadi. G‘altak nervning alohida zararlanishi juda kam uchraydi.

Manba: © Z. Ibodullayev. Asab kasalliklari. 2-nashr. Darslik, Toshkent, 2021., 960 b. 
             © Z. Ibodullayev. Umumiy nevrologiya. Darslik. Toshkent, 2021., 312 b. 
             © Ibodullayev ensiklopediyasi
              © asab.cc


Do‘stlaringiz bilan bo‘lishing