IDIOPATIK EPILEPSIYa

Nasliy moyillik sababli rivojlangan epilepsiyaga idiopatik epilepsiya deb aytiladi. Idiopatik epilepsiyada bosh miyada struktur o‘zgarishlar kuzatilmaydi, nevrologik statusda patologik o‘zgarishlar aniqlanmaydi. Idiopatik epilepsiya oilaviy tarzda ham, sporadik tarzda ham uchraydi.
Idiopatik epilepsiyaning 2 turi farqlanadi:
A) Tarqalgan idiopatik epilepsiya turlari:

Xavfsiz kechuvchi oilaviy neonatal epilepsiya
Xavfsiz kechuvchi idiopatik neonatal epilepsiya
Erta bolalik davrining xavfsiz kechuvchi mioklonik epilepsiyasi
Bolalar absans epilepsiyasi (piknolepsiya)
Yuvenil absans epilepsiya
Yuvenil mioklonik epilepsiya
Uyg‘onganda kuzatiladigan tonik-klonik tipdagi xurujlar
Tarqalgan idiopatik epilepsiyaning boshqa turlari
Maxsus ta’sirlar bilan qo‘zg‘aganda kuzatiladigan epileptik xurujlar

B) Fokal idiopatik epilepsiya turlari:

Rolandik epilepsiya (markaziy-temporal piklar bilan xavfsiz kechuvchi bolalar epilepsiyasi)
Ensa paroksizmlari bilan kechuvchi bolalar epilepsiyasi
O‘qishning birlamchi epilepsiyasi

Manba: ©Z. Ibodullayev. Asab kasalliklari. 2-nashr. Darslik, Toshkent, 2021., 960 b.
©Z. Ibodullayev. Nevrologiya. Qo`llanma., Toshkent, 2017., 404 b.
©Z. Ibodullayev. Epilepsiya. Qo`llanma., Toshkent, 2018., 128 b.
© Ibodullayev ensiklopediyasi ©asab.cc