Ichki kapsula

Ichki kapsula (capsula interna) – katta yarimsharlarning markaziy qismida o‘ta zich joylashib o‘tgan proektsion tolalardan iborat tuzilma. Ichki kapsula chap va o‘ng tomonda bo‘ladi. Ichki kapsulaning quyidagi 3 qismi farqlanadi: oldingi son (crus anterius), tizza (genu) va orqa son (crus posterius). Nucleus lentiformis bilan caput nuclei caudate orasida oldingi son, nucleus lentiformis bilan thalamus orasida orqa son joylashgan. Bu erda yasmiqsimon yadro ichki kapsulaning tashqi (lateral) devorini hosil qiladi. Ikkala son burchak hosil qilib birlashgan joyga ichki kapsula tizzasi deyiladi.
Ichki kapsula zararlanishi
Ichki kapsula orqa sonining orqa qismi zararlansa, qarama-qarshi tomonda "uch gemisindrom" (gemianesteziya, gemianopsiya, gemiataksiya) rivojlanadi. ''Uch gemisindrom" quyidagi ko‘rinishda ham namoyon bo‘ladi: gemiplegiya, gemianesteziya, gemianopsiya. Bu esa patologik o‘choq joylashuviga bog‘liq.

Manba: © Z. Ibodullaev. Umumiy nevrologiya. Darslik. Toshkent, 2021.,312b
© Ibodullaev entsiklopediyasi
© asab.cc

Muallif: Zarifboy Ibodullaev - 1994 yilda “Insulinga bog‘liq bo‘lmagan qandli diabetda serebrovaskulyar kasalliklarning insultdan oldingi shakllarining klinik va neyrofiziologik xususiyatlari” mavzusida nomzodlik dissertatsiyasini himoya qildi. 1991-1995 yillar – 2-Toshkent davlat tibbiyot instituti asab kasalliklari kafedrasi assistenti. 1995-1997 yillar – 2-Toshkent davlat tibbiyot instituti asab kasalliklari kafedrasi dotsenti.