XORAZMLIK TABIBLAR QANDAY DAVOLAShGAN? (Rivoyat)

Mahmud G‘aznaviy Buxoroga bostirib kelibdi. Ibn Sino Xorazmga ketishga shaylanibdi. Ibn Sino safarga chiqishdan oldin shogirdlari bilan xayrlashuv sabog‘ini o‘tkazibdi. Bu gal davolash turlari haqida so‘z boribdi. “Men Xorazmga – Abu Rayhon Beruniy oldiga ketayapman. Sizlarga so‘nggi ma’ruzamni o‘qimoqchi edim”, debdi. Ma’ruza so‘nggida shogirdlariga qarab, davolashning uch xil usuli bor, uni barcha tabiblar qo‘llashadi debdi. Birinchi usul – bu so‘z, ikkinchisi – giyoh va nihoyat uchinchisi – tig‘ bilan davolash deb xitob qilibdi alloma.
       
Ibn Sino bir necha yillar Xorazmda yashab, Buxoroga yana qaytibdi. U toliblarga yana ma’ruzalar o‘qiy boshlabdi. Ma’ruzalardan birida shogirdlari: “Ustoz! Xorazmlik tabiblar bemorlarni davolashda siz aytgan uchta usulning qay birini qo‘llashar ekan” deb so‘rashibdi. Shunda Ibn Sino: “Xorazmlik tabiblar davolashning yana bir usulini o‘ylab topishibdi. Ular bemorlarni soz bilan davolasharkan” debdi.


Manba: © Z. Ibodullayev. Asab va ruhiyat., 4-nashr. Ilmiy-ommabop risola. T, 311 b. 
             © Ibodullayev ensiklopediyasi
             © asab.cc
Do‘stlaringiz bilan bo‘lishing