Periferik tipdagi sezgi buzilishlari

Bunday buzilishlar periferik nervlar, chigallar, spinal gangliya, orqa ildizcha va spinal nerv zararlanganda kuzatiladi.

Periferik nerv zararlanishi. Ushbu nerv innervatsiya qiluvchi sohada, ya’ni dermatomda sezgi buzilishlari (gipesteziya, giperesteziya, anesteziya) va og‘riqlar kuzatiladi. Bunga nevral tipdagi sezgi buzilishi deyiladi. Bir necha nervlar zararlansa, polinevritik tipdagi sezgi buzilishi rivojlanadi. Masalan, qandli diabetdagi "paypoqcha va qo‘lqopcha" tipda sezgi buzilishi.
Chigallar zararlanishi. Chigal tarmoqlari innervatsiya qiluvchi sohada kuchli og‘riqlar va barcha turdagi sezgi buzilishlari ro‘y beradi. Zararlanish darajasiga qarab falajliklar ham kuzatiladi.

Manba:  © Z. Ibodullaev. Umumiy nevrologiya. Darslik. Toshkent, 2021.,312b
     © Ibodullaev entsiklopediyasi
     © asab.cc

Muallif: Zarifboy Ibodullaev - 1994 yilda “Insulinga bog‘liq bo‘lmagan qandli diabetda serebrovaskulyar kasalliklarning insultdan oldingi shakllarining klinik va neyrofiziologik xususiyatlari” mavzusida nomzodlik dissertatsiyasini himoya qildi. 1991-1995 yillar – 2-Toshkent davlat tibbiyot instituti asab kasalliklari kafedrasi assistenti. 1995-1997 yillar – 2-Toshkent davlat tibbiyot instituti asab kasalliklari kafedrasi dotsenti.