Spinal tugun

Spinal tugun (ganglion spinale) umurtqa kanali ichida joylashgan. Spinal tugun radix dorsalis ning kengaygan qismidek ko‘rinadi. Uning ichida sezgi neyronlari, ya’ni psevdounipolyar hujayralar to‘plangan. Ularning har biridan bittadan o‘siqcha chiqib shu zaxoti ikkiga ajraladi. Bu holat xuddi T harfini eslatadi. Uning markaziy o‘siqchalari, ya’ni aksonlari orqa ildizchani hosil qilib orqa miyaga kiradi. Periferik o‘siqchalari, ya’ni dendritlari periferiyaga qarab yo‘naladi va spinal nervni hosil qilishda ishtirok etadi.

Manba:   © Z. Ibodullaev. Umumiy nevrologiya. Darslik. Toshkent, 2021.,312b
               © Ibodullaev entsiklopediyasi  
               © asab.cc


Do‘stlaringiz bilan bo‘lishing