Stressga o‘tkir reaktsiya

O‘ta kuchli psixologik stressga javoban ruhan sog‘lom odamda rivojlanadigan va bir necha soat yoki 2-3 kun ichida o‘tib ketadigan holat stressga o‘tkir reaktsiya deb aytiladi. Uning sabablari juda ko‘p. Masalan, jinsiy zo‘ravonlik, hayotiga tajovuz qilish, kuchli tabiiy ofatlar ostida qolish, uyga o‘g‘ri tushishi va h.k. Demak, inson hayotiga va salomatligiga havf soluvchi har qanday kuchli va to‘satdan kuzatilgan voqelik shu holatni keltirib chiqarishi mumkin. Stressga o‘tkir reaktsiya ko‘pincha psixologik stupor va mutizm bilan namoyon bo‘ladi. Ba’zi holatlarda dissotsiativ amneziya rivojlanadi. Agar 3 kun o‘tgach, stressga bo‘lgan reaktiv belgilar barham topmasa va kasallik davom etaversa, bemorga boshqa tashxis qo‘yiladi.

Manba: ©Z. Ibodullayev. Tibbiyot psixologiyasi. Darslik., 3-nashr., T.; 2019., 494b.
© Ibodullayev ensiklopediyasi., 2022 y;
©asab.cc

Muallif: Zarifboy Ibodullaev - 1994 yilda “Insulinga bog‘liq bo‘lmagan qandli diabetda serebrovaskulyar kasalliklarning insultdan oldingi shakllarining klinik va neyrofiziologik xususiyatlari” mavzusida nomzodlik dissertatsiyasini himoya qildi. 1991-1995 yillar – 2-Toshkent davlat tibbiyot instituti asab kasalliklari kafedrasi assistenti. 1995-1997 yillar – 2-Toshkent davlat tibbiyot instituti asab kasalliklari kafedrasi dotsenti.