SUVChEChAKDA ENTsEFALIT

Etiologiyasi. Suvchechakni Herpes viridae oilasiga mansub varicella zoster virusi chaqiradi. Bu entsefalit yosh bolalarda ko‘p kuzatiladi.
       Klinikasi. Suvchechakda markaziy nerv sistemasining zararlanishi meningoentsefalit, entsefalit va entsefalomielit ko‘rinishida kechadi.  Nevrologik buzilishlar kasallikning 5–8-kunlari boshlanadi. Entsefalit gemiparez, giperkinezlar, miya ustuni va miyacha simptomlari bilan namoyon bo‘ladi. Entsefalitik simptomlar boshlanishidan oldin, odatda, meningitga xos belgilar, ya’ni meningeal simptomlar, epileptik xurujlar, psixomotor qo‘zg‘alishlar yuzaga keladi.
       Umuman olganda, postekzantem (qizilcha, qizamiq, suvchechak) entsefalitlar klinikasi, kechishi, davolash usullari va prognozi deyarli bir xildir. Ular faqat etiologik jihatdan farq qiladi, xolos

Manba: © Z. Ibodullayev. Asab kasalliklari. 2-nashr. Darslik, Toshkent, 2021., 960 b.
     © Ibodullayev ensiklopediyasi
  © asab.cc

Muallif: Zarifboy Ibodullaev - 1994 yilda “Insulinga bog‘liq bo‘lmagan qandli diabetda serebrovaskulyar kasalliklarning insultdan oldingi shakllarining klinik va neyrofiziologik xususiyatlari” mavzusida nomzodlik dissertatsiyasini himoya qildi. 1991-1995 yillar – 2-Toshkent davlat tibbiyot instituti asab kasalliklari kafedrasi assistenti. 1995-1997 yillar – 2-Toshkent davlat tibbiyot instituti asab kasalliklari kafedrasi dotsenti.