Paradoksal refleks

Bunday refleks spinal reflektor yoyning efferent qismi zararlanishida yoki markaziy piramidal nazorat izdan chiqqanda kuzatiladi. Masalan, ikki boshli muskul payiga urib bitseps refleksni chaqirmoqchi bo‘lsangiz, uning o‘rniga tritseps refleks chaqirilib qoladi. Demak, ushbu bemorda bitseps refleksni ta’minlovchi C₅-C₆ segmentning efferent qismi zararlangan. Buning natijasida C₅-C₆ segmentning afferent yo‘llari orqali orqa miyaga kelib tushgan impuls C₆-C₇ segmentga o‘tib ketadi va bitseps o‘rniga tritseps refleks chaqiriladi.
Yana bir holat: chap tomonda tizza refleksini chaqirmoqchi bo‘lsangiz, bu refleks o‘ng tomonda ham chaqiriladi yoki faqat o‘sha tomonda chaqiriladi. Chunki reflektor yoyning chap tomondagi afferent yo‘li orqali kirgan impuls markaziy piramidal nazorat sustligi bois, o‘ng tomondagi reflektor yoyga qisman yoki to‘la o‘tib ketadi.

Manba:  © Z. Ibodullaev. Umumiy nevrologiya. Darslik. Toshkent, 2021.,312b
     © Ibodullaev entsiklopediyasi
     © asab.cc

Muallif: Zarifboy Ibodullaev - 1994 yilda “Insulinga bog‘liq bo‘lmagan qandli diabetda serebrovaskulyar kasalliklarning insultdan oldingi shakllarining klinik va neyrofiziologik xususiyatlari” mavzusida nomzodlik dissertatsiyasini himoya qildi. 1991-1995 yillar – 2-Toshkent davlat tibbiyot instituti asab kasalliklari kafedrasi assistenti. 1995-1997 yillar – 2-Toshkent davlat tibbiyot instituti asab kasalliklari kafedrasi dotsenti.