ZARBALI-TO‘LQINLI TERAPIYa

Zarbali-to‘lqinli terapiya (ZTT) – tanadagi turli kasalliklarni past chastotali akustik to‘lqinlar bilan davolash usuli. ZTT barcha rivojlangan davlatlar klinikalarida juda keng qo‘llaniladi. Ushbu noinvaziv davolash usuli bemorlarga ham juda manzur bo‘lgan. Chunki og‘riq va deformatsiya bilan kechuvchi suyak-bo‘g‘im tizimi kasalliklarida bu usul tez samara beradi.
ZTT seansini 15 daqiqa mobaynida 4-5 marotaba olgan bemorlar tez orada davolash samarasini sezadi.

KO‘RSATMALAR

umurtqa osteoxondrozi
umurtqalararo disk churrasi
radikulit
sport jaroxatlaridan keyingi reabilitatsiya
sinishlardan keyingi reabilitatsiya
elka-kurak periartriti
bo‘g‘im lat eyishlari va pay cho‘zilishlari
yassi oyoqlik
tovon shporasi
tos-son va tizza bo‘g‘imlari deformatsiyalovchi osteoartrozi
epikondilit;
diabetik oyoq panjasi sindromi

MUOLAJA QANDAY O‘TKAZILADI

Muolaja o‘tkazilish bosqichlari:
1-bosqich: vrach tomonidan og‘riqli nuqta aniqlab olinadi;
2-bosqich: so‘ngra bemor kresloga o‘tiradi yoki kushetkaga yotadi;
3-bosqich: vrach og‘riqli joyga gel suradi;
4-bosqich: So‘ngra applikator og‘riqli nuqtaning o‘rtasiga yo‘naltiriladi va zarbali-to‘lqinli terapiya boshlanadi;
5-bosqich: Zarba yirik arteriya va nervlar proektsiyasiga to‘g‘ri kelmasligi kerak.
6-bosqich: Muolaja 10-15 daqiqa mobaynida o‘tkaziladi.

DAVOMIYLIGI

Davolash davomiyligi 10–15 daqiqa, har 3 kunda bir marotaba keladi. Har kuni yoki kunora qilish tavsiya etilmaydi. Birinchi ZTT dan keyin 2 yoki 3 kun o‘tishi kerak. Birinchi ZTT dan so‘ng og‘riqlar kuchayib olishi mumkin. Bu haqda bemor oldinroq ogohlantiriladi. Bundan bemor qo‘rqmasligi kerak. 4-5 seansdan keyin yaxshi samara seziladi.
Eslab qoling! Birinchi seansdan keyin to‘lqinli zarba ko‘rsatilgan joyda teri qizarishi, shishgandek bo‘lishi va og‘riq kuchayib oladi. Keyingi kunlari esa og‘riqlar yo‘qolib boradi va bo‘g‘imlar faoliyati tiklanadi, deformatsiya va kontrakturalar barham topadi. Zaruratga qarab bir yil yoki 6 oydan so‘ng muolajani takrorlash mumkin.

MON’ELIK QILUVChI HOLATLAR

havfli o‘smalar;
qon ivish sistemasi kasalliklari;
o‘tkir infektsion kasalliklar;
homiladorlik;
kardiostimulyator;
tromboflebit
tromboembolik kasallik
bolalar va o‘smirlarga mumkin emas, chunki ularda suyak tizimi hali o‘sishda davom etmoqda